السلام عليكم ورحمة الله وبركاته
ازيكم يا فتوكات
نفسك تصلى ومش عارفه ابدااااا تنتظمى فى الصلاة
حاولتى كثيرررررر بس برضه بتكسلى وتروح عليكى الصلاة او تصليها قضاء
والمشكلة الاكبر انك عارفة عقوبة تارك الصلاة او اللى بيتكاسل وينشغل عن ادائها فى وقتها
يعنى عارفه ان رسول الله صل الله عليه وسلم قال
" بين الرجل وبين الكفر ترك الصلاة " رواه احمد ومسلم والترمذى وابن ماجه
"العهد الذى بيننا وبينهم الصلاة،فمن تركها فقد كفر "رواه احمد واصحاب السنن
"من حافظ عليها كانت له نورا وبرهانا ونجاة يوم القيامة، ومن لم يحافظ عليها لم تكن له نورا ولا برهانا ولا نجاة ، وان يوم القيامة مع قارون وفرعون وهامان وابى بن خلف "رواه احمد والطبرانى وابن حبان واسناده جيد .
و عشان انت عارفه كل ده بتحسى انك مخنوقة لانك مش بتصلى او مش منتظمة
ونفسك فعلا تلاقى حل سحرى يخليكى تصلى وبتقولى انه مفيش فايدة
صح الكلام ؟؟؟؟
طيب ايه رايك فى بعض الخطوات اللى ان شاء الله تجربيها وربنا هيكرمك بالحفاظ على الصلاة ويقر عينك بها
بصى يا حبيبتى
1- قعدى لوحدك شوية وغمضى عينيكى وحاولى تتخيلى يوم القيامة و انت واقفة بين ايدين ربنا وبيسألك عزوجل
مين اللى بيسألك الله …… مين الله ……. الله بعظمته وجلاله بيسألك ليه ما كنتيش بتصلى ؟؟؟؟؟؟؟
لا اله الا الله ….. بايه هتردى هتقولى ايه ……. ينظر الله اليك غاضبا ….. فهيكون جوابك ايه
ربنا بعزته وجلاله يدعوكى خمس مرات لتلاقيه وانت بترفضى او تكسلى ياااااااااااااه كبيرة اوى
ده لو مديرك ولا خطيبك طلب لقائك بتجرررى جرى والله ينادىكى وانت رافضة او مكسلة
يااااااه يا حبيبى يا الله تنادينى واتكاسل و ارفض ياااااااه
طيب لو صليت وواظبت على الصلاة الموقف هيكون ازاى
هتدخلى الجنة باذن الله وياتى يوم المزيد يوم ما ربنا يكشف عن وجهه الكريم حل وعلى و يرزقنا لذة النظر الى وجهه الكريم
و كل عبد هيحاضره الله محاضرة، حتى إنه عزوجل ليقول: يا فلان! أتذكر يوم فعلت كذا وكذا. يذكره ببعض غدراته في الدنيا، فيقول: يا رب ألم
تغفر لي؟ فيقول: بلى. بمغفرتي بلغت منزلتك هذه
شفتى الفرق كبيررررررررررر ازاى مش بتصلى يبقى هتقفى اما الله وهو ينظر اليك غاضبا
ولو حافظتى على الصلاة ان شاء الله تكونى من اهل يوم المزيد
********************8
طيب معلهش هاطلب منك تانى تغمضى بس المرة دى هتتخيلى موقفك مع الحبيب المصطفى محمد
سينا محمد صلى الله عليه وسلم واقف على الحوض المورود و المؤمنين والمؤمنات الفايزين بيشربوا من يده شربة هنيئة مريئة لا يظمأوا بعدها ابداااا
وانت فين انت رسول الله يقول لك سحقا سحقا ليه بيقولك اقرى كده
هناك أناس يجيء الرسول ليشفع لهم، فلا يسمح له بالشفاعة؟ قال عليه الصلاة والسلام: يذاد أناس -(أي: يطرد، ويمنع ويحجب-) من
أمتي عن الحوض يوم القيامة، فأنهض لأشفع لهم عند ربي، فيقول ربي لي: يا محمد لا تفعل) إذاً هنا لا تنفع الشفاعة، ولا داعي لها،
(إنك لا تدري ماذا أحدثوا من بعدك، إنهم رجعوا على أدبارهم القهقرى) أي: رجعوا للوراء، وتركوا الكتاب والسنة، (فأقول: سحقاً سحقاً لمن
بدل وغير) فلا يشفع لهم،
يعنى محرومة من شفاعة النبى ….. ويقول لك سحقا سحقا
يااااااااااااه يا حبيبى يا رسول الله يا قرة عينى لالالالالالالالا متقوليش سحقا ولا تحرمنى من الشرب من يديك
**************
طيب اعمل ايه بقى عشان احافظ على الصلاة
1- توبى الى الله عن تقصيرك فى الصلوات اللى فاتت واندمى على كده من جوه قلبك
2- خدى النية انك هتلتزمى بالصلاة من اللحظة دى بس تكون نية صادقة وتكونى حازمة على انك فعلا هتلتزمى بالصلاة
ولما ربنا يشوف النية الصادقة فى قلبك ان شاء الله هيعينك ويثبتك
3- هيبتدى الشيطان يوسوس والنفس الامارة تخليكى تكسلى يبقى عليكى بذكر الله طوال النهار …. افضلى استغفرى واذكرى ربنا على
قد ما تقدرى ليه ؟؟؟؟ عشان القلب من كثر الذنوب بتغطيه طبقة سوداء اسمها الران وبتحرم العبد من الطاعات و عشان تشيلى الران من
قلبك التزمى الاستغفار وذكر ربنا
4- خدى صحبة صالحة تساعدك لو تقدرى فى البيت حد من اهل بيتك او صديقة لك او هنا و نعمل مع بعض حملة " هاحافظ على صلاتى
حتى يوم لقاؤك " ونتابع بعض ونشجع بعض ….. طب ليه الصحبة الصالحة لان الشيطان يبقدر على الانسان لما بيكون لوحده وما يقدرش
عليه لو فى جماعة وده كلام سيدنا محمد رسول الله
5- من النهاردة صلاتى متعة مش والعياذ بالله هم ثقيل عايزة اخلص منه لالالالا
لما الاذان يأذن هاقول لنفسى وبصوت عالى " حبيبى ينادى الله عزوجل ينادينى "
هنجيب سجادة صلاة و نحط عليها برفان او مسك او حتى صابون عشان تبقى ريحتها حلوة
و هنحطها في ركن هادي في الشقة
و جنبها على ترابيزة المصحف بتاعنا
و هيبقى ده هو المسجد بتاعنا – مكاننا للخلوة بربنا – المكان اللي بنهرب ليه من هموم الدنيا
عايزينه يشهد لينا يوم القيامة و يقول يا رب فلانة ياما صلت و بكت هنا "
فكرة السجادة من اخت لنا وربنا يكرمه ويجعله فى ميزان حسناتها "
6- هاظبط المنبه هاضيف برنامج على الكمبيوتر عشان يفكرنى بالصلاة
7- اول ما الاذان يأذن اسيب كل اللى فى ايدى واجرى اتوضى واصلى لن الشيطان بيدخلك طيب شوية ما هو لسه بدرى
قولى له هاصلى فى اول الوقت لانها احب الاعمال الى الله …. ومادام كده كده اصليها يبقى االافضل اقوم بدل ما تتقل عليه واقول عايزة
اصلى هاقوم اه لالالالا اذان يبقى صلاة فورا
8- الدعاء والالحاح فى الدعاء " اللهم اجعلنى مقيم الصلاة ومن ذريتى "
طب عملت كل ده وبرضه صليت مرة حاضر ومرة قضاء اوووووووووووووووووعى تيأسى جددى النية وحاولى لغاية اخر لحظة فى عمرك
وتعملى لنفسك عقاب عشان نفسك الامارة بالسوء تتادب
يعنى صلاة الظهر قضاء هاستغفر 500 مرة عقاااااااب للنفس الكسلانة هتلاقيها تانى مرة النفس دى بتقومك وتقولك لا بقى ده الصلاة اسهل
من العقاب
واى اخت فتوكة عندها خطوة تفيدنا ارجوكى شاركينا بيها وانا هاضيفها على الموضوع الاصلى
طول ما فيكى نفس اووووووووعى تيأسى واصدقى النيه وربنا ان شاء الله هيكرمك
استودعكم الله
simosemsem simosemsem 746261_4.gif فتكات رائعة Fatakat 746261 القاهرة – مصر
