حامل اول مرة وتعبانه دلوني

يا بنات انا الحمد طلعت حامل ،، سالتكم عن نتيجة الاختبار المنزلى وروحت عملت تحليل دم وطلعت حامل الحمد لله،،
ودلوقت فى الاسبوع الخامس،، يا بنات هموت من التعب ومش عارفة ده طبيعي ولا ايه؟ لما روحت للدكتور مكنتش تعبانه اوى كده وكنت لسه 3 اسابيع ،،
دلوقت حاسة بنشر وتكسير في جسمي كله كان عندي دور برد،،
ده غير المغص اللى بيجي ويروح ،، كمان حاسة بتقل وانتفاخ في بطنى تاعبني جدا لدرجة انى باعيط من الاحساس ده واقول لماما كان بطني قربة ماية وحد بيرجها ،،ومخلينى كانى حامل في الشهر الرابع مش التانى ،، ده غير ضيق التنفس اللى مبينيمنيش رغم انى كمان عندى جيوب انفية وبقالى اسبوعين مبنمش من قلة النفس
كمان حاسة بقرف من كل حاجه وكل الناس بطريقة غريبة واحساس الغثيان ما بيفارقنيش لحد ما بطلت اكل خالص والله من التعب قرفانه من الماية ونفسي جايبة بس اشرب عصاير وسفن مع ان الدكتور مانعنى من المواد الحافظة ،،
كمان الدكتور كاتبلى مثبت دوفاستون مع ان ده اول حمل ليا ومش عارفة ليه؟ ده عادي؟
واعمل ايه في التعب والغثيان والتقل والانتفاخ اللي في معدتي ده؟ له حل؟ ساعدوني الله يخليكم ويرزق كل مشتاقة ،،
كمان لو تعرفوا دكتور شاطر في شبرا الخيمة ياريت تعرفوني لانى مش مرتاحة مع الدكتور بتاعي ،، او لو حد يعرف دكتور محمد محمود شاهين يقولى رايه ،،

lamis ibrahim lamis ibrahim 817146_3.gif فتكات رائعة Fatakat 817146 القاهرة – مصر

سبحان الله و بحمده