انا حبيت واحد زميلى فى الشغل وهو حبنى بس للاسف لما فاتح اهله فى الموضوع ارتباطنا هم رفضو عشان فرق السن اللى بينى وبينه انا اكبر منه بثلات سنين بس انا عارفة انكم هتقولو هو مش ضغير ولازم يقف ادامهم لو عاوزنى بجد ولو متمسك بيا وكدا يقف فى وشهم انا عارفة كل دا بس هو متدين وعارف ربنا كويس ومتحمل المسؤلية فى البيت اوى فا هو مش عاوز ياخدنى غصب عن اهلى بيقولى لما اجيلك البيت مش هجيلك لوحدى لازم اهلى يكونو راضيين ويباركولنا الجواز دا واهلك كمان لانك هتخشى فى عائلتنا لازم يكونو راضيين ونا بصراحة كمان مش هقبل ابدا انه يحاربهم او يقف اصادهم عشانى لانه الى ملوش خير فى اهله ملوش خير فى حد ابدا ومنساعت مارفضو كذا مرة هو كل فترة بيحاول معاهم تانى بس هو حاول كتير فا قررت انا وهو نبعد عن بعض عشان مجرد كلامنا ووعودنا والكلام الحلو اللى بنقوله لبعض دا ممكن يغضب ربنا حتى لو مجرد نظرة بس منه ممكن تبقى تغضب ربنا فا قررنا نبعد ولو اى مكالمات ولا اى ماسيجات ولا اى حاجة مع انه زميلى فى الشغل لكن بقيت اتلاشى انى اشوفو نهائى قررنا نسيب بعض عشان ربنا يرضى عننا ولو فى نصيب هيجمعنا تانى ولو مفيش يبقى مش مكتوبين لبعض …على فكرة انا بحبه اوى اوعو تفتكرو ان بسهولة بعدنا عن بعض احنا بعدنا كذا مرة ومستحملناش ورجعنا نتكلم تانى لكن لما اخر مرة من شهرين خدنا القرار دا حسمنا العلاقة اوى لحد ماربنا يريد هو بياخد بالاسباب وبيحاول معاهم ونا منتظرة فرج ربنا والله سواء جمعنا او ما ارادش يجمعنا …..انا الحمد لله مقربة من ربنا اوى وبصلى وبدعى ربنا كتير وبصلى قيام كتير والله وبستغفر ربنا كتير وبطلع صدقات كتير ربنا يستجيب يارب والحمد لله ملتزمة فى حياتى …..فى حاجة بس عاوزة اسالكم عليها . الغريب وطبعن مفيش غريب ولا صعب على ربنا اانا كل يوم بدعى فى صلاتى وبعد صلاتى يارب لو فى خير قربنا من بعض واشرح صدر ابوه وامه يارب واجمعنا عاجلا وقدرلنا الخير مع بعض كل يوم بدعى نفس الدعاء بس كل كم يوم كدا ونا بصلى سواء فى القيام بليل او فى وقت معين بعد صلاة معينة بقول لربنا يارب لو رضيت عنى ابعتلى اى بشرى او اى علامة تقولى انك رضيت عنى وان ممكن تقربنا من بعض تانى اى علامة يارب او اى بشرى منك ونتا اكرم الاكرمين …ابص والله والله فى نفس اليوم بليل يبعتلى ماسيج يقولى عاملة ايه واخبارك ايه وانا بطمن عليكى واتمنى تكونى بخير وبس وانا برد عليه انى بخير وخلاص ..اتكررت الحاجة دى لحد دلوقتى خمس مرات مع ان من ساعة ماسبنا بعض منعنا التليفون والماسيجات من اول ماقررنا نبعد عن بعض لكن والله والله لما بدعى وبقول لربنا كدا ((يارب ابعتلى اى علامة انك هتقربنا من بعض يارب ابعتلى اى بشرى انا راضية بقدرك )))الاقى والله فى نفس اليوم بعتلى ماسيج بليل انا بطمن عليكى عاملة ايه اخبارك ايه انا والله بحاول مع اهلى تانى وربنا يقدرلنا الخير مع بعض وبس الماسيج بتبقى كدا وخلاص …بس انا مبسوطة اوى والله اقربها امبارح بليل بردو دعيت وقلت يارب ابعتلى اى بشرى تقول انك رضيت عنى انت بعتلى علامة من كم يوم بس انا طمعانة فى كرمك تبعتلى علامة تانية انك جمبى ورضيت عنى والله قمت الصبح انهردة لقيته باعتلى ماسيج بردو بيطمن عليا …انا فرحانة اوى حاسة ان ربنا بيستجيب لدعائى اينعم محصلش لسا النصيب بس مجرد ما حسيت الخمس مرات على ايام متباعدة لما بدعى الدعاء دا بالخصوص وبطلب من ربنا يدينى اى علامة الاقى الماسيج جايالى والله على مدار شهر ونص الخمس مرات دول وكل مرة بتصادف لما بدعى نفس الدعاء دا انا كل يوم بدعى عادى الادعية العادية لكن كل كم يوم كدا اقول يارب ابعتلى البشرى يارب ابعتلى علامة والله الاقى الماسيج جتلى بليل ………….حتى لو محصلش نصيب فا بجد انا كفاية انى حاسة ان ربنا سسامعنى وبيستجيب وحاسس بيا ….تفتكرو بجد ممكن نرجع تانى وان ربنا بيعتلى كل فترة علامة يقولى انا شايلكو نصيبكو مع بعض ودى العلامة ؟؟؟؟ انا راضية بكل قدره والله …ادعولى ياستات ويابنات ربنا يستجيب لدعائى ويجمعنى بيه قريب ..
TANONA TANONA فتكات ست الكل Fatakat 792707 القاهرة – مصر
