ازيكم يا بنات اخباركم ايه
بعض فضل ربنا اولا والحمد لله
عملت اختبار الحمل امبارح وطلع الححمد لله خطين
يعن حمل باذن الرحمن ادعولى ربنا يكملى على خير
قلت لازم اجى اقول لاخواتى الفتكات انا عملت ايه لان بجد استفدت منكم كتير
انا متجوزه بقالى سنه واربع شهور
بس انا عندى البريود مش منتظمه نظمتها 3 شهور
وبعد كدا الدكتوره كتبتلى على منشطات
بس رجعت لغبطت تانى وكانت بتجلى بوجع جامد جدا فى الفتره دى
الحمد لله على كل شئ
المهم انا زهقت من العلاج وقررت ان الشهر ده مش راحه لدكاتره ولا وخده علاج
وبلفعل عملت كدا بس اخدت ايه بقى
فى بدايه البريود كنت باخد قرفه وجنزبيل
وبعد اما خلصت بدائت اخد بردقوش ومرمريه
وجبت اناناس دا كل الى كنت بسمعه من ناس هنا
وتابعت التبويض مع نفسى ايوه مع نفسى
بختبار التبويض هى علبه فيها 5 شرايط بدات فيها اليوم 12 لقيت التبويض ضعيف
قمت مكماه بردقوش ومرمريه وعملت تانى يوم 14 بردو خفيف الخط يعنى التبويض ضعيف كملت وهكذا اليوم 16
لحد اما قلت خلاص مفيش تبويض الشهر ده انا اصلا التبويض عندى كنت تابعته عند الدكتوره قبل كدا وكان ضعيف
المهم اليوم 21 كان عندى تعب جامد فى اسفل باطنى وبالصدفه لقيت واحده هنا بتقول نفس الاعراض وانتم قلتلها دى فتره تبويض فقمت جربت شريط لقيت بالفعل الخطين متماثلين يعنى ده يوم التبويض
ودى كانت مفاجئه لان مكنتش اتوقع ان التبويض بيتاخر كدا ممكن عند بعض الناس وان من النوع ده باين
المهم البريود اتاخرت 9 ايام وان بردو عندى بعض الاعراض بس كنت بكذب نفسى لانها فى العادى ملغبطه لحد ما الحمد لله عملته ولقيت الخطين ظهرين الحمد لله
انا حبيت احكلكم انا عملت ايه يمكن حد يستفاد
وربنا يارب يرزق كل مشتاقه بالذريه الصالحه يارب
ومتيأسوش باذن الله كله بمعاده وانا معاكم هنا هدخل افدكم لو بامكانى
وادعلكم زى ما فدتونى ودعاتولى
♥♥♥فى رعايه الله♥♥♥
prences prences 649879_1.gif فتكات رائعة Fatakat 649879 مكه – السعوديه
سبحان الله و بحمده