اولا الحمد لله ربنا كرمنى بمازن عنده شهرين وولدت طبيعى بعد 18 يوم من التاسع ودى اول ولاده ليا انا نايمه الساعه 8 الصبح لقيت وجع بيروح ويجى كل مده بس بسيط جدا بس اللى خلانى الاحظه انه كان منتظم المهم قمت وانا مستبعده انها ممكن تكون ولاده لانى بعرف ان البطريه بتتاخر لاخر التاسع المهم قمت واخدت شور وحضرت فطار كويس جدا كنت جعانه اوى وصحيت جوزى وفطرنا واححنا قعدين قلتله تعالى نشوف اللالم ده بيجى كل اد ايه لقيته بيجى كا 4 دقايق او خمسه قلت اكيد ده مش طلق لان اللى اعرف ان الكلق بيجى كل نص ساعه وبعدين ربع ولما يوصل لخمس دقايق ده بيكون صعب جدا وتقريبا بتكون ولاده خلاص
المهمقلتله بلاش نقول لحد احسن هيكبرو الموضوع ولو حتى دى ولاده انا قلت انا قدامى يومين ولا حاجه فبلاش اعمل شوشره علشان مقلقش واتوتر استنى لما اتاكد انها ولاده
ونزلنا عند حماتى نتغدى وكنت جعت وانا لسه فاطره مبقاليش حاجه واكلت كويس جدا وقعدت اتكلم مع سلفتى شويه كتير والالم يروح ويجى بس الم تافه يعنى لو مركزتيش قيه مش هتحسى بيه اساسا
وطلعت على العصر كده والوضع زى ماهو صليت وقعدت انضف فى الشقه واتصلت بمامتى قلت اسالها قالتلى خدى معلقه عسل ابيض لو زاد يبقى طلق المهم سبتنى منها وكبرت دماغى وماخدتش حاجه والا لم زى ماهو بروح ويجى وانا مش مهتميه ودخلت كويت شعرى وفجاه بدات احس بالالم اتصلت بامى تانى قالتلى اجيلك قلتلها هتيجى ليه انا مش عاوزه هيصه دى اكيد مش ولاده
وبعدين لقيتها زعلت قمت اتصلت بيها وقلتلها تعالى على ماهى جات كنت بدات احس بالالم فى ضهرى كنا العشا كده والكهربا قطعت وكل ده وانا رايقه وقاعده اكل دره وشيبسى ومكبره دماغى وفجاه حسيت ان الالم زاد لان امى ادتنى معلقتين عسل قلنا لا لازم نروح للدكتور
اه كانت امى بتسالنى نزل عليك علامه قلتلها معرفش انا لابسه اندر احمر والكهربا قاطعه
المهم رحنا للدكتور ومش كان موجود وساعتها كان الالم زاد بس محتمل لما دخلنا العياده كان بقا مش محتمل كنا الساعه 11 وكان بيروح ويجى كل خمس دقايق بردو وكل ده وانا متاكده ان الدكتور هيقولى انها مش ولاده روحى وتعالى
جه الدكتور بعد عشر دقايق وكشف نسا ودى كانت اول مره وقالى ان الرحم فاتح 2 قراط ولسه زيهم وقدامك 4 او خمس ساعات واطلعى فوق ولازم تنامى على ضهرك هو صعب صحيح بس بيسرع الموضوع وطلعت وكان فى الم بردو اكملكم المشاركه الجايه
رحيله رحيله فتكات متميزة Fatakat 731617 دبى – الامارات
سبحان الله و بحمده