الموضوع دا عن تجربتى الشخصية
انا بشرتى مختلطة و كانت تعبانى اوى و فيها حبوب و كنت بروح لدكاترة كتير عشان اعالج الحبوب و كانت فعلا بتتعالج بس بعد 3 شهور عالاقل و طول الفترة دى بشرتى بتبقا مقشرة جدا بس فى بداية رمضان استخدمت نظام جديد لتنظيف و ترطيب بشرتى و النظام دا ساعد عل معالجة الحبوب و تغذية بشرتى و تنظيفها و تفتيحها و النظام كالتالى(النظام دا بمشى عليه كل 4 ايام):
1- اغسل وشى بالغسول اليومى العادى و تشطفيه بمية فاترة (السخنة مضرة جدا انا عن نفسى بتقشرلى وشى)
2- بحط كريم مرطب خفيف ذى جونسون سريع الامتصاص او كريم منظف و بدعكه كويس لحد مالبشرة تتشربه كويس و بعد كده امسح بقطنة وشى كله و رقبتى
3- اعمل حمام بخار ليشرتى من 3 دقايق ل 15 دقيقة (على اد ما تقدرى)
4- تغسلى وشك بالغسول تانى بمية دافيه بسيطة
5- تحطى ماسك على طول و انا بحط كل مرة نوع غير اللى قبله و هما (1زماسك بشجرة الشاى و الجريب فروت من افون او 2-ماء ورد و بدرة تلك او 3- ماسك بى وايت )
6- و بعد ماشيلى الماسك ترشى وشك بماء ورد او تمسحى وشك بقطنة بماء ورد و حتى منطقة حولين العين تتمسح بمية ورد
(ماسك ماء الورد وبودرة التلك ينفع لمنطقة حولين العين كمان)
يا جماعة دى تجربتى الشخصية وانا ماشيه عليها بقالى اكتر من شهر دلوقتى و والله وشى اتحسن اوى اوى بس ممكن ناس متنفعش معاهم فاقبل ماجربية فكرى و شك يستحمل ولا لا
مواضيع هذا القسم برعاية
4ever4long 4ever4long images/avatars/whirlysm.jpg فتكات هايلة Fatakat 152993 الهرم – مصر