السلام عليكم ورحمة الله وبركاته
ازيكم ياحبايب قلبى يافتوكات
انا امبارح واول امبارح كنت بايتة عند ماما وخالتى كانت عندنا
معلش هحكلكو قصة حياتى بقى
المهم بعد ماتوضيت وانا بنشف رجلى قلت قدرا كدة مع نفسى يارب الواحد مش عارف يعمل ايه فى رجله دى ييجى الشتا وكانها مجروحة وخصوصا اخر صوباع
راحت خالتى قالتلى علاج سحر والله حسيت بالفرق من اول يوم عارفين قالتلى ايه
حطيلو حنة ناشفةوفعلا حطيتها بالليل وتانى يوم بين صوابعى نشف بدرجة كبيرة والله قلتلها فينك من زمان وقلت انا همشى عليها يومين تانى عشان تنشف تماما
بس فى حاجة صغيرة ان الحنة طبعا بتصفر مكانها بس انا قلت مش مهم كده كده مش باينة المهم تنشف ولازم يافتوكات تنشفو بين الصوابع بعد الوضوء لان المية من ضمن الاسباب
ومعلش طولت عليكم بس عشان بحبكم فى الله قلت اقو لكم بالتفصيل ومش عايزة ردود ولا تقييم انا عايزة دعوة من القلب بظهر الغيب
بحبكم
والسلام عليكم ورحمة الله وبركاته
عايشة فى نعمة ربى عايشة فى نعمة ربى 387923_19.gif فتكات رائعة Fatakat 387923 فى بيتى جنتى مع زوجى حبيبى وبنتى ربنا يباركلى فيهم – عايشة فى ارض الله الواسعة والحمد لله