السلام عليكم فتوكات جزاكم الله الف خير على تعبكم وجعله فى ميزان حسناتكم ان شاء الله
انا كنت حلمت خيرر اللهم اجعله خيرااا انى فى بيتنا بس البيت كان واسع وكبير (غير بيتنا فى الحقيقة يعنى) وكنت قاعدة فى غرفة واسعة مع بنت خالتى (اميرة) وفجأة لقيت احمد طالع من على السلالم الجانبية للمنزل وجه قعد معانا انا واميرة .. ولقيت احمد بيقولى انه رايح النادى يوم السبت وبيقولى ممكن تيجى النادى انتى كمان يوم السبت كانه بيحاول يتقرب منى يعنى وبيلمحلى بطريقة غير مباشرة انه مش هيروح النادى لو انا مش رايحة وانا رديت عليه انى هروح ايوة وبينى بين نفسى كانى موافقه على انى اقابله هناك .. وانا كان قدامى ابن اختى الرضيع ممدد على السرير والمفروض انى اغيرله البامبرز لاول مرة فلقيت احمد بيقولى هتعرفى تغيريله قمت قيلاله عادى هتعامل وفعلاا غيرت البامبرز لابن اختى كزا مرة فى المنام وامى كانت جت فى النص بصت عليه وانا بغير لابن اختى برده عشان تتطمن انى هعرف اغيرله .. ولقيت احمد عمال بتتبعنى بيشوفنى هعرف اغير بامبرز ولا لاة وكان بيشفنى وانا بطبخ هعرف اطبخ ولا لاه كانه بيطمن هعرف اتحمل مسئولية بيت ولا لاه .. وبعدها ظهرت (علا) بنت خالتى برده وبتقولى هتعلمى ايه وبتاع قلتلها هخرج السبت عشان اتفسح الواحد لازم يشم نفسه شوية .. حصلت حاجات تانية فى المنام غير متذكراها
ودى مش اول مرة احلم باحمد واميرة بنت خالتى ف منام واحد قبل كده برده من 3 سنين حلمت انه زارنا فى بيتنا عشان يتقدملى وكانت اميرة عندنا فى البيت !!!!
انا بنات خالتى الاتنين متجوزين وعندهم عيال
احمد ده يبقى زميلى فى دراستى وهوة انسان خجول وكان بينا اعجاب زمان بس حاليا مفيش كلام بينا ومش بشوفه بقالى كتير وهوة مش على بالى اصلا — وانا فى الحقيقة مش بروح نادى خالص غير كل فين وفين ومفيش نادى مشترك بينى وبينه
انا عندى 28 سنة – انسة – غير مخطوبة – لا اعمل ونفسى ربنا يرزقنى – بحضر دراسات عليا و امتحاناتى قربت خالص الله يستر ياارب – بتعالج من المس العاشق بانى اقرا سورة البقرة كل كام يوم بس بقالى اسبوع تقريباا مقرتهاش عشا ظروفى الصحية والله يكتبلى الشفاء — انا فى الحقيقة اصغر واحدة فى اخواتى ومليش فى شغل البيت اوى – بدعى ربنا ينصرنى على اللى ظلمونى عشان رافعة قضية
slasel slasel 186057_4.gif فتكات هايلة Fatakat 186057 alex – egypt