برنامج رمضانى سهل جدا وكله خيرات ♥ 2024.

السلام عليكم ورحمه الله وبراكاته
كل عام وكل المسلمين فى كل الاراضى بالف خير
ان شاء الله ده برنامج رمضانى ميسر وكله خيرات باذن الله

البرنامج كالتالى
• الصلاه
• الدعاء
• قراءه القران
• الاستغفار
• الصدقه
• صله الرحم
• التسابيح

♥ الصلاه ((33 ركعه فى اليوم ) مش كتير ده يا دينا لا والله مش كتير تعالى شوفى التقسيمه
الصلاه المكتوبه والنوافل بتاعتها
المكتوبه 17 ركعه فى اليوم وكلنا بصليها الحمد لله
النوافل 12 ركعه فى اليوم
للى متعرفهاش بعدد الركعات
2 قبل الفجر
4 قبل الضهر و2 بعده
2 بعد المغرب
2 بعد العشاء
كده 12 ركعه نوافل من صلهم فى يوم بنى له بيت فى الجنه
صلاه التروايح 11 ركعه بالشفع والوتر بتاعهم
وركعتين بنيه القيام قبل الفجر بساعه فى جوف الليل
واللى عايز يكثر فالله اكثر كده عنده 33 ركعه فى اليوم

♥ الدعاء
لكى 12 دعوه بتانى فى اليوم هتقوليلى ازاى هقولك اهو
الدعاء بعد التشهد الاخير من كل صلاه مكتوبه وقبل التسليم
يبقى كده 5 دعوات قسمى انتى بقى واخترى فى كل صلاه هتدعى باللى نفسك فيه
الدعاء فى كل ركعتين من الترويح بدعوه معينه والتاكيد عليها
يبقى كده 6 دعوات بالوتر
واللصائم دعوه لاترد عند فطره يبقى كده 12 دعوه كل يوم
ومن يكثر فالله اكثر

♥ قراءه القران
عايزيين بعون الله نعمل ختمتين يعنى كل يوم 3 اجزاء
وده طبعا بعد حذف ايام الحيض وتقديرها ب 10 ايام تقريبا
هيتبقى 20 يوم كل 10 ختمه ازاى
الجزء بياخد فى القراءه المرتاحه نص ساعه
يبقى عندك نص ساعه بعد العصر او الضهر
ونص ساعه بعد ما ترجعى من الترويح وترتاحى
ونص ساعه قبل الفجر مع ركعتين القيام

♥ الاستغفار والتسابيح
كل يوم 1000 استغفار
و500 صلاه على النبى
و500 تسبيحه
مش كتير ده يا دينا لا مش كتير هقولك ازاى
فى دبر كل صلاه هتستغفرى 200 مره وتصلى على النبى 100 مره
والتسابيح مع ركعتيى قيام الليل وجزء القران هتسبى 500 تسبيحه

♥ الصدقه
دى بقى بينك وبين ربنا
طب معكيش فلوس للصدقه
خدى مايه متلجه كام ازازه وانتى رايحه الترويح بنيه الصدقه
خدى مصاحف لو عندك كتير وحطيها فى المسجد
شويه بلح ناشف ووزعيهم وانتوا فى استراحه التروايح
تبسمك فى وجهه اخيك صدقه
الكلمه الطيبه صدقه

♥ صله الرحم
30 فرد
بمعنى كل يوم بعد الترويح تمسكى التليفون وتكلمى اى حد من قريبك تتطمنى عليه
حتى لو اتنين اخوات كلمى واحده فى يوم وواحده فى يوم
بنيه صله الرحم

كده البرنامج تقريبا خلص وهو مش منقول هو من مجهودى الشخصى
وطبعا مسموح جدا بنقله واهو يبقى صدقه
مطلوب منكوا بقا يا حبيباى تدعولى اقدر انفذ البرنامج ده وربنا يقبله منى ويتم شفايا على خير
ويفك كربى
وتانى دعوه ربنا يرزقنى زوج صالح عاجلا غير اجلا وتفرحوا بيا على العيد

والتقييم علشان الموضوع يثبت
ويارب القى حد ينفذ معايا البرنامج ده ومبقاش لوحدى

مالكه الحزين مالكه الحزين 491209_6.gif فتكات هايلة Fatakat 491209 القاهره – مصر

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.