السلام عليكم يا أحلا فتوكات و أحلا صحبة
طبعا أغلبنا بيصلى و الحمد لله و أى أخت مبتصليش ربنا يكرمها و تصلى عشان دى أول حاجة رب العالمين هيسألنا عليها
طيب بتصلى و بتقرى قرآن و بتصومى رمضان كمان و بتدعى و بتطيعى ربنا و يمكن حجيتى أو عملتى عمرة كمان
ما شاء الله تبارك الله ربنا يتقبل مننا جميعا
تعالى أقولك على ذنب بقى الناس بتعمله و هيا مش حاسة ممكن يفسد عليكى كل ده
ياااااااااااااااه معقول ربنا يحبط عملى و انا بعمل كل ده
أيوه و بذنوب ناس كتير بتستهون بيها
شوفوا الحديث ده
فالحديث أخرجه ابن ماجه في سننه عن ثوبان رضي الله عنه عن النبي صلى الله عليه وسلم أنه قال " لأعلمن أقواماً من أمتي يأتون يوم القيامة بحسنات أمثال جبال تهامة بيضاً، فيجعلها الله عز وجل هباء منثوراً". قال ثوبان: يا رسول الله صفهم لنا، جلهم لنا، أن لا نكون منهم ونحن لا نعلم. قال: "أما إنهم إخوانكم ومن جلدتكم، ويأخذون من الليل كما تأخذون، ولكنهم أقوام إذا خلوا بمحارم الله انتهكوها"
ناس صالحة بتقوم الليل عندهم حسنات أمثال جبال تهامة و يجعلها الله هباء منثورا..نسأل الله العظيم ألا يجعلنا منهم
طيب فى بنات و شباب بيشوفوا حاجات إباحية و فى ناس يقولوا لا مش بشوف حاجات اباحية أوى
طيب هيا حرام و لا لا؟؟حرام طبعا تقدرى تعملى ده قدام حد؟لا طبعا ده انا اموت
طيب ربنا سترنا منستحيش منه و نستحى من الناس..طب تيجى ازاى دى
بلاش دى
بتكلمى شباب فى التليفون أو النت و تقولى صحابى و تقفلى على نفسك باب الأودة عندك على الكمبيوتر صور ممثل مثلا أو مغنى و بتقعدى تشوفيهم مع نفسك..مش كل ده انتهاك لمحارم الله حتى لو بتكلمى واحد كتابة مش دى كأنها خلوة
لا تجعلى الله أهون الناظرين إليكى
و بعدين من وجهة نظر شخصية ان الذنوب دى تخلى ربنا يغضب عليكى فى الدنيا كمان لأن ازاى ربنا بيحبط العمل عقابا لصاحبها فى الآخرة طب ما طبيعى حاله فى الدنيا هيبقى مش كويس بردو لأن انتوا عارفين الذنوب آثارها ايه
و دى فتوى حول الموضوع
السؤال
السلام عليكم ، أردت أن أسأل عن الحديث الشريف ( يؤتى يوم القيامة برجال لهم أعمال كجبال تهامة ييضا فيجعلها الله هباء منثورا،لأنهم كانوا إذا اختلوا بمحارم الله انتهكوها) هل المقصود بذلك المبتلى بمعصية ولكنه لا يجاهر فيها بين الناس. وجزاكم الله خيرا.
الإجابــة
الحمد لله والصلاة والسلام على رسول الله وعلى آله وصحبه أما بعد:
فالحديث أخرجه ابن ماجه في سننه عن ثوبان رضي الله عنه عن النبي صلى الله عليه وسلم أنه قال " لأعلمن أقواماً من أمتي يأتون يوم القيامة بحسنات أمثال جبال تهامة بيضاً، فيجعلها الله عز وجل هباء منثوراً". قال ثوبان: يا رسول الله صفهم لنا، جلهم لنا، أن لا نكون منهم ونحن لا نعلم. قال: "أما إنهم إخوانكم ومن جلدتكم، ويأخذون من الليل كما تأخذون، ولكنهم أقوام إذا خلوا بمحارم الله انتهكوها" والمراد بهؤلاء: من يبتعد عن المعصية ويتظاهر بالصلاح مراعاة للناس، وأمام أعينهم، وبمجرد أن يخلو بنفسه ويغيب عن أعين الناس سرعان ما ينتهك حرمات الله، فهذا قد جعل الله سبحانه أهون الناظرين إليه، فلم يراقب ربه، ولم يخش خالقه، كما راقب الناس وخشيهم، أما من يجاهد لترك المعاصي، ولكن قد يضعف أحياناً من غير مداومة على مواقعة المحرمات، ولا إصرار عليها، فيرجى ألا يكون داخلاً في ذلك.
والله أعلم.
يا رب حتى نكون حتى من اللى بيجاهدوا نفسهم و بعدين يسيبوا الذنب و يا رب نكون من المعافين فى حالة المجاهدة و ربنا يرزق الجميع التوبة من هذا الذنب لمن يفعله
بنات ليه تحبط اعمالنا
منخلى صورتنا جميلة قدام ربنا أكتر كمان ما هى قدام الناس
تعالوا نعاهد ربنا اننا لما نقعد لوحدنا هنخلى رضاه اول اهتماماتنا هنذكر الله و مش هنعمل حاجة حرام نستحى نعملها قدام الناس لأن ربنا شايف و مطلع و هوا الخالق و الناس دول مش مهمين المهم رضا ربنا
و لكل فتوكة ممكن تكون بتضعف و تعمل اى حاجة من دول طبيعى احنا مش معصومين بس افتكرى لو عايزة الحلال سيبى الحرام ربنا يرضى عنك دنيا و آخرة يا رب و فى نفس الوقت يرزقك بالزوج الصالح اللى يعفك
lavender house lavender house 890990_1.gif فتكات نشيطة Fatakat 890990 cairo – مصر