السلاام عليكم ارجو تفسير حلمى هذا
حلمت انى ف بيتنا و بستعد لانه كان يوم خطوبتى لكن مكنش فى اى حد موجود غير اسرتى ومفيش اى معازيم موجودين ولا احنا كنا عاملين اى مظاهر احتفالاات و جه وقت الصلاه المغرب فقلت هصلى وادخل انا البس و وقتها كان عمى الصغير (طبيب بشرى ) قاعد ف الصاله عندنا فانا دخلت البس وكنت شاريه فستان لونه تركواز طويل لكن مش منفوش اوى زى بتاع العرايس ده وكان له كم مش طويل اوى واختى كانت واقفه معايا ف الاوضه ومكنتش تعرف اصلا الفستان ولا اى حد شافه غير انا وماما المهم لبسته وقلت هبقى البس الطرحه لما الناس يوصلوا لكن الساعه بقت مقربه على 8 مساء ومحدش جه من اهل العريس ولا هو فبابا دخل عليا الاوضه وسالته هما فين انت ماتصلتش بيهم ولا ايه عشان تاكد معاد الخطوله قالى انا اتصلت بيهم لكن مفيش فى بلدهم شبكه والخط ماجمعش و ان صاحبه اللى معرفهم علينا قالوا هما بخلا شويه لما الرصيد بيخلص مش هيشحنوا ولا بتصلوا بيكوا بس على اتفاقنا هما اكيد جاين و بس وانا فضلت متعصبيه على بابا لانى ولا كنت قابلت العريس ده ولا مره ولا قعدت معاه هو كان بابا اللى قعد واتفق بس و فى الاخر ببص فى ايدى لقتنى لابسه فى ايدى اليمين خاتم بفص صغير اعلاه و فى ايدى الشمال لابسه توينز (اللى هو خاتم له فص عالى ومحبس ) وانتهى الحلم على كده
ياريت يتم تفسسره قريبا ويكون خير يارب وشكرا جزيلا
معلومات عنى : انا عندى 20 سنه و 3 شهور غير متزوجه او مخطوبه طالبه ف صيدلة طنطا
والحمد لله مواظبه على صلاتى ف مواعيدها
Esraa Mahmoud Esraa Mahmoud 1096171_2.gif فتكات متميزة Fatakat 1096171 طنطا – مصر
