تخطى إلى المحتوى

الشيطان بينيمنى اعمل ايه ؟؟

صباح الخير يا فتوكات النهارده ليه الجمعه ادعولى بالهدايه وصلاح الاحوال ليل ولكل المسلمين جميعا يارب

بصوا انا هدخل معاكم فى الموضوع على طول انا يبنات من فتره كبيره بدات الحمد لله انتظم جدا فى الصلاه

ولو اذن اى اذان وانا نايمه بقوم من على السرير والله ما اعرف بقوم ادخل الحمام ازاى من السرعه اللى بجرى بيها

المهم انا دلوقتى دخلت فى اسبوع مقصره فى الصلاه لدرجه هتموتنى بصراحه لان انا مش متعوده اسيب فرض

اساسا بخاف قوى بحس انى عامله مصيبه او كارثه بكون مرعوبه دلوقتى انا بقيت بنام كتيييييييييير جداااا فوق ما تتخيلوا

مابقيتش بسمع اى اذان زى الاول ولو صحيت بكون تعبانه جدا جدا جدا كانى فى جبل عليا وبالتالى بضيع عليا ازقات كتير

ممكن اصلى الفجر والظهر والعصر والمغرب اكون نايمه ولو صحيت مقدرش اتحرك من مكانى بقيت حاسه ان فى جبل عليا

النهارده كان باقى على العصر حوالى 3 دقائق قولت هستنى اصلى وانام كنت صاحيه بدرى جدا وتعبانه والله العظيم فى ال3

دقائيق دول مش هقولك نمت لا دخلى فى غيبوبه ولا سمعت الاذان معرفش كل ده بيحصل ليه معايا دلوقتى انا عندى ورد

يومى لازم اعمله لو بموت لازم اقرا كل يوم سوره البقره النهارده بقى لقيت نفسى بقول دى طويله قوى انا تعبت طيب هكمل

كمان شويه لحد ما فضلت اعاند مع نفسى لحد ما اصريت وخلصتها الحمد لله دلوقتى مش عارفه اعمل ايه فى الصلاه والله

العظيم هموت من الرعب انى بقيت بفوت اكتر من فرض ومابقيتش بقدر اتحرك كتير زى الاول وعلى فكره انا سنى مش كبير

يعنى الحمد لله لسه صغير يعنى مفيش اى امراض بعانى منها ولا اى حاجه الحمد لله انا 23 سنه لسه الله يخليكم ساعدونى

قولولى اعمل ايه فى ناس هتقولى استعيذى بالله من الشيطان الرجيم هقولك انا وقت الصلاه بدخل فى غيبوه مش بقدر اتكلم

ولا اتحرك ولا اعمل اى حاجه خالص بشغل سوره البقره طول اليوم جمبى حتى وانا نايمه بس مش عارفه اعمل ايه الخوف

هيموتنى والله

همسات أحلامنا همسات أحلامنا 544517_5.gif فتكات رائعة Fatakat 544517 cairo – أم الدنيا

لقراءة ردود و اجابات الأعضاء على هذا الموضوع اضغط هناسبحان الله و بحمده

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.