السلام عليكم و رحمة الله
معلش يا رب أنا بحبك أوي و باعبدك بس مش هتحجب دلوئتي ..
انا لسة صغيرة لما اتخطب …. او اتجوز,,, مع أول بيبي ان شاء الله
ياه ده انا مسلمة و عارفة ديني و عاملة اللي عليا و ربنا رب قلوب …و أهم حاجة النية
و انا نيتي الحمد لله صافية و جميلة ايوة ما الاسلام اتبنى على خمس و أنا كده عداني العيب و أزح
يااه يا رب انا هاشتغل بالدعوى و هابعت sms لاصحابي و صور و أدعية وحاجات من دي ياااه و ككله بثوابه
ايه الايمان اللي ملاني ده ….ده انا كده عديت
ههههههههههههههههههههههههههههههههه
عايزيين نعبد ربنا على هوانا ..ناخد اللي على مزاجنا و نسيب اللي تقيل على قلبنا
طب ايه الفرق بينا و بين اليهود ما هما كانوا كده ؟؟؟
ربنا قالنا كنتم خير أمة أخرجت للناس طب ازاي رب العزة يقول كده و انا أعمل زيهم و أمشي على هوايا و انا فاكرة ان كده تمام
طيب العيب فــــــــــــــــــــــــين
طبعا العيب مش فينا لأننا مسلمين و عارفين دينا كويس و مش عايزين حد يعرفنا دينا و كل واحد يخليه في حاله
و الدين يسر مش عسر و التشدد بتاعكوا ده هيودينا في داهية الى أخر الكلام اياه
طب وبعدين
فكروا كده شوية …لأ شويتين
ازاي ربنا يأمرني بشئ و أنا أعمل عكسه و أقول ما هو غفور رحيم
يعني ايه أكسر اوامر الله ده لو حد من أهلك ( أخوكي الصغير مثلا ) حكم عليكي ما تلبسيش البادي ده بينكد عليكي
و فعلا ما بتخرجيش بيه
و لله المثل الاعلى
هو ده الاسلام هو ده الاستسلام لأوامر الله
و نيجي بعد كده نقول احنا مش كفرة احنا عارفين دينا و انصحوا نفسكوا الاول
تصدقواااا انا كنت باقول كده زماااان …..طب و ايه اللي حصل
لولا هداية رب العزة كان ممكن افضل معاندة و مكابرة كده
طب و و الاستكبار ده أخرته ايه ؟
انا مش هاقول هنتشوي و نتحرق و نفضل في النار و الكلام اللي كلنا عارفينه و مستبعدينه لاننا واثقين في نفسنا
لالالا الحتة دي كلنا عارفينه
اللي هاقوله انه ممكن ربنا يختم على قلبك و تفضلي كده لا معصية بتطلع و لا ايمان بيدخل و تفضلي طول عمرك كده هااايصة في الدنيا
كلنا يا اخواتي محتاجين النصيحة و ما حدش يتكبر على حد
و سيبكم من السياسة اللي جرتنا وراها و وريتنا أسوأ ما فينا من عناد و تخوين وفتي في الدين بعلم او من غير علم و تفكيك في
وحدتنا و اسلامنا السياسة و الكلام ده و سرعة نقل الاخبار و البوست و الشير و التويتات كلها مش هتنفعنا يوم ما هننزل تحت
طبعا عارفين تحت فين
بالله عليكوا الكلام ده مش عن الحجاب بس
الكلام ده لو أي واحده مش مظبطة علاقتها مع ربنا تلحق تظبط كفاية هواكي بئا و امشي على هوى الرحمن تفتكري هيضيعك أو يحرمك أو
…..أو ….. لا و الله ده عايز يسعدك دنيا و اخرة
جربي كده و اصدقي مع الله و اعقدي النية بقلبك مش بلسانك و ان شاء الله هيساعدك صلحي نفسك حبيبتي من جوة و من بر ة
وجزاكم الله خيراا و احبكم في الله 
و أسفة ع الاطالة
بسكوتة بالعسل بسكوتة بالعسل 69106_1.gif فتكات رائعة Fatakat 69106 MM – مصر
