فتوكاتى حبياب قلبى وحشتونى قيييد الفيل
نبدا بسم الله موضعنا بتاع النهارده
طبعا مكياج الشتاء ومع برودة الجو البشرة بيكون شكلها مرهق ولونها باهت، ومش بيكون فيه وقت كافي للعناية بيها في أوقات النهار، خصوصا لو كنتِ بتشتغلي أو في الجامعة..
علشان كده جبنا لك النهارده خطوات بسيطة ممكن تعملي بيها ميك أب رقيق وناعم، يضيف حيوية لبشرتك في فترة الصبح..
اول حاجه اصحاب البشره الفتاحه ركزو
(الايشادو )
درجات الآي شادو تكون مائلة للروز أو البرونزي الفاتح مع لمعة بسيطة، هتكون مناسبة جدا لأصحاب البشرة الفاتحة.
وعلشان تضفي لمسة جمالية رقيقة على عيونك قبل ما تنزلي للشغل أو الجامعة، ممكن توزّعي طبقة خفيفة من الآي شادو بالدرجات اللي قلنا عليها على منطقة الجفون فوق خط الرموش مع التدريج لأعلى، لغاية ما توصلي لمنطقة قوس العين، بحيث درجة اللون تتدرج على فاتح، وبعد كده مشّطي رموشك باستخدام فرشة الماسكرا علشان تنظّفيها من آثار الآي شادو، وآخر خطوة إنك تكثفي الرموش باستخدام الماسكرا السوداء.
(البلاشر)
درجات البلاشربردو تكون مائلة للبرونزي الفاتح والخوخي هتناسب أصحاب البشرة الفاتحة، لأنها هتضيف لهم لمسة دافية على منطقة الخدود، وأفضل طريقة ممكن توزّعي بيها البلاشر هي إنك تجيبي فرشة كبيرة وتوزّعي البلاشر البرونزي الفاتح على وشك بالكامل بطريقىة خفيفة وناعمة، وبعد كده تحدّدي عظمة الخدين باللون الخوخي. وعلى شان تبرزى عضمه الخدين تعملى كدا
(احمر الشفاه)
درجات الروج المائلة للخوخي هتكون رائعة على شفايفك مع الماكياج الخفيف اللي عملتيه، وخصوصا لو أضفتي عليها لمعة خفيفة. هتبقى موزه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
بعد كدا البشره السمراه او القمحيه
اول حاجه طبعا الايشادو
درجات الآي شادو البرونزية (الدرجات المتوسطة بين الفاتح والغامق) تعتبر من أفضل الألوان المناسبة لأصحاب البشرة الخمرية والسمراء.
وعلشان تظهري بشكل جميل وجذّاب ممكن توزّعي طبقة من الآي شادو بالدرجات البرونزية على منطقة الجفون فوق خط الرموش مع التدريج لأعلى، لحد ما توصلي لمنطقة قوس العين من الأتقل للأخف، بعد كده مشّطي رموشك باستخدام فرشة الماسكرا، وأخيرا كثّفي رموشك بالماسكرا السوداء.
0(البلاشر )
درجات البلاشر تكون مائلة للأحمر أو الوردي شوية، وكمان البرونزي مناسب جدا لبشرتك لو كنتي خمرية.
علشان تضفي لمسة جميلة ودافية لخدودك، ممكن تجيبي فرشة البلاشر وتحطّي طبقة من البلاشر البرونزي بالدرجة اللي متوضّحة في الصورة على كامل منطقة الوجه، بما فيه الأنف والذقن وكمان عند منبت الشعر، وبعد كده ضيفي طبقة بسيطة من درجة البلاشر الوردية اللي قلنا عليها على منطقة عضمة الخدين. ودى الصوره الى فيها الدرجات
احمر الشفاه
أحمر الشفاه بدرجة البرتقالي المائل للأحمر هتكون مناسبة جدا لبشرتك وكمان غير تقليدية، والأفضل إنك تستخدمي نوع روج مط خالي من اللمعة.
وبكده انا خلصت ويارب تكونو استفاتو
ومتنسوش التقيم على شان منخسرش بعض
اى اسأله انا تحت امركم يلا فى امان الله
mayada meka up artist mayada meka up artist 1100825_2.gif فتكات حبوبة Fatakat 1100825 القاهره – مصر