انهارده يا فتوكاتي جيبالكم طريقة الحواوشي الأسكندراني اللي كلنا بنحبو جداااااااااا وعملته المره دي بعجينة العشر دقايق بصراحه طلع تحفه قووووووي وجميل نشوف الأول مع بعض عجينة العشر دقايق وانا كنت واخده طريقتها من هنا علي فتكات بالتفصيل بسم الله نبدأ: هنقسم علي مجموعتين الأولي: 2 كوب ماء دافئ 2 كوب دقيق فاخر 2 معلقة خميرة فورية 1/4 معلقة صغيرة ملح 2 ملعقة لبن بودرة 1/4 كوب سكر ونسيبهم يخمروا مع بعض لمدة 10 دقائق شايفين الفقاقيع دي معناها انها خمرت كويس التانيه : بعد لما المجموعه الأولي تخمر شويه نضيف 3 كوب دقيق +نصف ملعقه صغيره بيكنج بودر نصف كوب زيت وهنا لما عجنتها وبعدين سييبتها ترتاح وهنا بعد لما خمرت وارتفعت وبقيت جاهزه الحمد لله للشغل عليها ههههه نيجي بقي لمكونات اللحمه 1/2 كيلو لحمه وعليها 1/4 كيلو من الدهن زي ماتحبي في ناس بتحب الليه وتحطي عليها 2 بصله كبيره والتحابيش بقي اللي بتفضليها من التوابل ملح + فلفل+ كمون +بهارات+شطه طبعا أساس الحواوشي + قرن فلفل رومي +2 طماطم وفي ناس بتحط بقدونس بس انا مش حاطاه وبعدين تقسمي العجينه علي دوائر الحجم اللي تشوفيه مناسب ليكي وتحشيه باللحمه وتقفلي العجينه عليه كويس زي الصوره كده وبعدين تدهني صينيه بالزيت وترصيهم فيها وتسيبيهم بتاع 10 دقايق يخمروا شويه مع بعض وتحطيهم في الفرن بتاع 20 دقيقه وكل واحده وحسب الفرن اللي عندها وهنا بعد لما خرج الحواوشي بالسلامه من الفرن والطبق ده بالمخلل لأول فتوكه هترد عليا وتقييمني كده خلصنا والحمد لله وإلي لقاء آخر في وصفه جديده مواضيع هذا القسم برعاية نـــدي نـــدي images/avatars/orangeflower.gif برنسيسة فتكات Fatakat 426229 القاهرة – مصر
